O APALPADOR VISITA PONTEDEUME

Mañá día 30 o Apalpador visita a nosa  vila. Ás 18h nen@ e maiores agardaremos a súa chegada na carpa situada na Praza do Conde. Alí poderemos xogar e escoitar algún conto. Cando apareza o Apalpador acompañarémolo a dar un paseo polas rúas de Pontedeume. Remataremos de novo na carpa para merendar bola e chocolate quente.

2º PASE DE "OS NENOS PERDIDOS"

Despois do exito na estrea da obra "Os nenos perdidos", o vindeiro sábado 27 de decembro teremos, ás 20:30 hs. ao grupo de teatro DAMECUERDAQUETEATRO cun segundo pase.
Resumo: tres nenos escondidos no faiado dun orfanato reciben a inquietante visita dunha monxa cega. Tenrura, humor e traxedia nun episodio negro da nosa historia.
Recomendada para maiores de 12 anos.
Entrada de balde. Pasarase a gorra ao finalizar a representación, cuxos beneficios irán destinados á organización do festival "Treme a Terra".

PRESENTACIÓN DO CALENDARIO DE MULLERES COLLEITEIRAS VENRES 19 DE DECEMBRO

O próximo venres 19 ás 20:00, presentarase no local o calendario en beneficio do proxecto Mulleres Colleiteiras. Contaremos coa presenza de Rocío Botana de arquitectos sen fronteiras, Gabriel Tizón fotógrafo do calendario e unha representación das mulleres protagonistas do proxecto.

Mulleres Colleiteiras é unha iniciativa de autoemprego que busca fomentar o empoderamento e autoestima das participantes, recollendo os seus desexos por unha vida mellor, as súas ganas de emprender e sentirse donas do seu futuro.

Máis de 20 mulleres xitanas e ciganas, residentes nos asentamentos de As Rañas e da Pasaxe comenzaron a traballar xa fai máis dun ano na recollida de aceite usado, de forma voluntaria co desexo de que servise como ferramenta para mellorar as súas condicións de vida.

Este residuo utilízase, cun proceso de refinado posterior na produción de biocombustible, entre outros. A día de hoxe, estas mesmas mulleres están a participar no proceso de constitución dunha cooperativa que dará a forma definitiva a este proxecto e permitirá a súa emancipación e acceso a un traballo normalizado.

Mais información en mullerescolleiteiras.blogspot.com.es

Este calendario realizouse con imaxes do fotógrafo Gabriel Tizón, en beneficio do Proxecto. Doce amables imaxes que nos achegan os rostros destas grandes mulleres.

www.gabrieltizon.com

REPICHOCA DOMINGO 7 DE DECEMBRO NO BAR VARADOIRO

O próximo domingo 7 de decembro organizamos xunto co Bar Varadoiro unha Repichoca. A música será de estilo libre, e quen o desexe poderá unirse co seu canto, instrumento ou baile. Dende o Colectivo poremos a venda racións de callos a prezos populares, así como o diferente material editado co obxecto de recadar fondos para a realización dop XVI Festival Treme a Terra.

Animádevos a pasar este domingo ás 21:00 polo Bar Varadoiro na Rúa Real de Pontedeume.

Obra teatral "Os nenos perdidos"

O vindeiro sábado 29 de novembro teremos, ás 20:30 hs. ao grupo de teatro DAMECUERDAQUETEATRO co estreo da súa última obra "Os nenos perdidos".
Resumo: tres nenos escondidos no faiado dun orfanato reciben a inquietante visita dunha monxa cega. Tenrura, humor e traxedia nun episodio negro da nosa historia.
Recomendada para maiores de 12 anos.
Entrada de balde. Pasarase a gorra ao finalizar a representación, cuxos beneficios irán destinados á organización do festival "Treme a Terra".

PALESTRA-COLOQUIO "A SEXUALIDADE FEMININA ALÉN TABÚS"

O próximo venres 28 de novembro ás 19:30, teremos no local a palestra_coloquio . "A sexualidade feminina alén tabús"

A reivindicación dos dereitos políticos e sociais das mulleres vai xa cara aos tres séculos de historia. A loita polos seus dereitos e liberdades sexuais conta con só unhas décadas. Quizais polo propio potencial de revolución e liberdade que ten para as persoas, o descoñecemento sobre a sexualidade feminina, mesmo por parte das propias mulleres, segue aínda moi vixente, e de maneira interesada. Subvertelo é facer, do persoal, político.

Para tratar este tema contaremos coa presenza da xornalista do Sermos Galiza Olalla Rodil.

25 DE NOVEMBRO

25 DE NOVEMBRO. DÍA INTERNACIÓNAL DA ELIMINACIÓN DA VIOLENCIA CONTRA A MULLER.

En 1981 celebrouse en Bogotá o Primeiro Encontro Feminista Latinoamericano e do Caribe, onde se decidiu marcar o 25 de novembro como o Día Internacional da non violencia contra as mulleres. Esta data elexiuse para conmemorar ás irmáns Mirabal, tres activistas políticas que foron brutalmente asesinadas en 1960 por orde do gobernante dominicano Rafael Trujillo.

Hoxe, 25 de novembro de 2014, a violencia contra a muller segue sendo unha pandemia global. Até un 70% das mulleres sofre violencia na súa vida.

Neste contexto lemos,  con asombro, que a revista Time, acaba de realizar unha enquisa para averiguar cales son as palabras que os seus lectores dixitales non queren volver a ler en 2015. Entre as 15 palabras e expresións que os lectores poden votar

21 DE NOVEMBRO. BERLÍN, DE HISTERIA TEATRO.

Berlín, da companhia compostelá Histeria Teatro, chega ao Colectivo Terra de Pontedeume

O espectáculo de música e teatro estará neste centro social na sexta-feira 21 de novembro pela noite.

Lou Reed criou a começos dos 70 um disco que ele definiu como “um filme para os ouvidos”, no que conta a sórdida relação entre um casal numa cidade dividida. Berlín é o relato das vidas do Jim e a Caroline, marcadas pela pobreza, a prostituição, a violência e as drogas. O disco foi um insucesso comercial, ainda que muito interessante musical e narrativamente.

Mais de trinta anos depois, o filólogo, professor e músico Leo Fernández Campos, mais conhecido como O Leo i Arremecághona!!!, realizou um exaustivo labor de traduçom das letras das cançons, foi trabalhando nelas, e, junto com a jornalista e actriz Lara Rozados, levaram a cabo uma teatralizaçom, até que o ano passado, com a morte de Lou Reed, decidiram estrear a montagem com Histeria Teatro. Para isso contaram com a colaboraçom do director e actor Chiqui Pereira, membro da companhia Berrobambán. A estréia, com grande sucesso de público, foi na XIII Festa de Aniversário do Cineclube de Compostela, o passado 21 de junho, e agora retomam a gira deste espectáculo.

A seguinte paragem de Berlín será esta sexta-feira 21 de novembro, às nove da noite, no Colectivo Terra de Pontedeume (Boa Vista 8 baixo), com entrada de balde, ainda que se pode achegar a vontade.

Berlín conta com a direcção de Chiqui Pereira, e com Leo Fernández Campos nos papéis de Jim e o narrador e Lara Rozados como Caroline. O vestiario, atrezzo, cenografia e luzes são de Histeria Teatro, e o som, música e videos, de Leo Fernández Campos. O desenho gráfico e a fotografia correspondem a Jose Valiño.

VOLVE O TREME A TERRA!!

O vindeiro sábado, 18 de outubro, celebraremos unha reunión para comezar a organizar o festival "Treme a Terra". Será aberta a toda a xente interesada, polo que esperamos a túa asistencia e apoio. Repartiremos Lotaría de Nadal para vender e dispor de cartiños para comezar a traballar!
Farémola ás 16:30 hs. no local social do Colectivo Terra (Boa Vista, Nº8, baixo)

10 DE OUTUBRO "FALANDO CLARO" DE PEPE SENDÓN

O próximo venres 10 de outubro Pepe Sendón recunca no Terra. Desta vez presetará a obra "Falando claro" que trata a historia de Claro José Sendón Lamela  o anarquista de Louro.

FALANDO CLARO trata de reconstruír a vida aventureira dun personaxe único a través dos textos que nos deixou. Por medio deles transitaremos pola Semana Tráxica arxentina, polos anos 20 neoiorquinos, polo Crack de 1929 e a posterior Grande Depresión, pola vitalidade dos primeiros días da República e o agre Bienio Negro, por insólitos episodios do anarquismo galego, polos ominosos días previos

á sublevación militar e, !nalmente, pola Guerra Civil española.

As palabras dun rebelde, deste afouto rebelde de Louro, libertarias e radicais, agudas e retranqueiras, dramáticas e emocionantes, serán a nosa guía para coñecer unha !gura novelesca que malia parecer de outro mundo, é do noso; e para revisitar unha parte moi importante do noso pasado, que malia parecer de outra historia, tamén é a nosa.

A representación comezará ás 21h e a entrada terá un prezo de 5€.

Clases de pilates

O martes 16 darán comezo as clases de pilates no noso local social. Realizaranse durante todo o curso, os martes e os xoves.
Horario:
1ª clase: 19:00-20:00 hs.
2ª clase: 20:15-21:15 hs.

Prezos:
soci@s: 22,5€
non soci@s: 25€

Para máis información: 696 55 59 97, Noela.

CURSO INTENSIVO INICIACIÓN AO ALEMÁN

O curso de "Introdución ao alemán" impartirase durante todo o mes de agosto. Partirase dun nivel inicial de pleno descoñecemento do idioma e o obxetivo do curso consistirá nun achegamento aos países de fala alemana e ás súas características socio-culturais ademais da adquisición de competencias lingüísticas activas e pasivas similares ás previstas para o nivel A1 do Marco Común Europeo de Referencia para as Linguas.

Horarios:

Luns, martes e xoves. 11.30h - 13h (sesións de 1h 30min)*

*Dependendo da cantidade de xente interesada poderase conformar un segundo grupo cun horario de 10h - 11.30h.

Prezos:

- 17,50 € para @s soci@s.

- 20 € para @s non soci@s.

Contidos:

O temario previsto pódese pedir por mail. A metodoloxía das clases estará enfocada dependendo dos intereses d@s alumn@s. Tarefas de expresión oral e comprensión auditiva empregando medios audiovisuais serán básicas en todas as clases. A intención é aprender a lingua pasándoo ben e disfrutando do proceso.

Inscripcións:

correo electrónico: alemapontedeume@outlook.es

móbil: 606 845 819

As clases comezarán o 4 de agosto.

I Jornada de Herpetología

O domingo 27 de Julho animamos-vos a participar na I Jornada de Herpetología que levaremos a cabo em Terras do Mandeo, com o fim de conhecer e identificar os répteis e amfíbios do entorno. O guía Rafael Vázquez, esperto em herpetofauna ibérica falara-nos de ecología, conservaçom e também das ameaças e tradiçons culturais relacionadas com os hérpetos. A saída partirá no concelho de Coirós na comarca de Betanços, a actividade é livre polo que nom estipulamos hr de remate para que poidades partir quando melhor vos venha. As distàncias a rotar nom som largas e deslocarémo-nos em carro aos lugares correspondentes. Podem apontar-se nen@s i é recomendável levar roupa ajeitada e jantar.
 Vemo-nos no monte!

DIA DA MÁTRIA

Desde o Colectivo Terra convidamos-vos a festejar connosco a Festa da Pátria, o Dia Nacional de Galiza, o Dia da Mátria, a Festa da Pachamama Galega, a Festa Maior de Galiza, porque a luita pola liberdade da Terra é a luita pola liberdade de todos os povos oprimidos do planeta, é o abraço entre as pátrias assobalhadas que querem ser donas do seu destino, é a solidariedade inquebrantável com a Palestina.

A próxima sexta-feira 18 de julho teremos esta jornada de convívio que começará às 19h com um torneio de ping-pong, às 21h teremos umha ceia popular e remataremos com um concerto de Ataque Escampe por volta das 22h. Durante toda a jornada @s assitentes teram ao seu dispor umha série de jogos populares. A ceia consistirá em petiscos, carne ao caldeiro, pam, vinho ou água... e terá um preço de 10€. É importante ter em conta, que para assistir á ceia, é preciso apontar-se antes de 17 de Julho mandando um correio ao Colectivo ou chamando ao 645951343.

Saúde e Terra!

RECOLLIDA DE SINATURAS

As mocidades do Colectivo Terra iniciaron a pasada semana unha recollida de sinaturas, co fin de que o Concello habilite xornais e revistas en galego na biblioteca municipal de Pontedeume, así como noutros locais municipais nos que se poida ler a prensa.
Argumentan que é un dereito que se recoñece no Estatuto de Autonomía e na lei de Normalización Lingüística e que as institucións deben garantir.
As sinaturas recóllense no local social do Colectivo.

ROTEIRO EN KAYAK POLA RÍA DE ARES

O vindeiro venres, 11 de xullo, as mocidades do Colectivo Terra organizan unha ruta en Kayak pola Ría de Ares, co fin de coñecer o noso entorno desde outro punto de vista e facer algunha actividade ao aire libre.
Sairemos do peirao eumés ás 17:30 hs. Compre estar ás 17:00 alí. A actividade rematará sobre as 19:00 hs.
Está aberto a tódolos públicos, sen restrinción de idade.

Inscripcións:
- Facebook: Colectivo Terra
- Correo: colectivoterra@gmail.com
- Tlf: 619 654 219

Prezos:
- 9€: menores, soci@s e desempregad@s.
- 10€: non soci@s.

Nota:
- As crianzas poden ir baixo a responsabilidade dunha persoa adulta e non teñen que pagar.
- Ao anotarse mandarase un correo coa roupa que hai que levar e algunha pequena indicación.

BLUES E CALHOS

A vindeira sexta feira (venres) 20 de junho, fare-mos no local umha pequena homenagem ao clásico Calhos&Blues de Caamouco. Inspirado polo sucesso desta formula, celebrare-mos o nosso Blues+Calhos um concerto-cea com a participaçom d@s amig@s de Blues do País. 

O bilhete terá um preço de 5€.

ATIVIDADES SÁBADO 7 DE JUNHO

Este Sábado 7 de junho às 19hs, estará com nós Séchu Sende coa exposiçom de Animais e apresentará "Viagem ao Curdistam para apanhar estrelas" e outras historias.

Ao remate (+-20:30hs), faremos umha Petiscada Popular em solidariedade com o companheiro Carlos Mosqueira, represaliado por se solidarizar com @s encausad@s polo #8f45anos. Nela intervirá umha pessoa do Coletivo e um dos encausados nesse juizo.

Agarda-mos  a tua presença.

CARLOS E O DEVER DA DESOBEDIÊNCIA

Acabam de abrir um expediente ao Carlos por “desafio à autoridade”, por isso desde o Colectivo Terra queremos expressar a nossa solidariedade com ele e dizer-lhe que estamos orgulhosas. O Carlos deu-nos a maior liçom que podemos aprender: a da insubmissom, a da fraternidade, a da quebra com o enmudecimento. Querem-nos caladas e vam-nos ter rabudas.

Se a Galiza existe é porque houvo, há e haverá milhares de galegos e galegas que desafiam a autoridade. A história do nosso povo é umha longuíssima história de desobediência. Contra a destruiçom do Reino da Galiza, Faraldo liderou a Revoluçom Galega de 1846. Contra o despreço da nossa língua, Rosalia escreveu o primeiro livro integramente em galego. Contra umha Galiza convertida num criadouro de carne humana para a exportaçom, Castelao revirou-se e luitou polo proclamaçom do Estatuto de Autonomia.

Num contexto onde o Estado espanhol decreta o extermínio da língua e cultura galegas, nós, como Carlos, como Faraldo, como Rosalia, como Castelao, desafiamos à autoridade, somos desobedientes, nom reconhecemos como legítimo um regime corrupto e etnocida, que condena o povo trabalhador à indigência e expulsa a mocidade da nossa Terra. Nós, como o Carlos, como o conjunto do alunado do IES Breamo, sabemos que defender a língua nom é delito, que a desobediência é o nosso dever, que a luita é o único caminho.

Querem reprimir a solidariedade e a nossa resposta é mais solidariedade!

Viva a língua galega!

Viva a mocidade rebelde!

DEFENDER O GALEGO NOM É DELITO!

O 8 de Fevereiro de 2009 tivo lugar umha manifestaçom em contra do galego convocada por Galicia Bilingüe (sic!), à que se unirom organizaçons espanholistas do Reino de Espanha (como a Falange). Muitas pessoas, defensoras do galego, figerom frente às suas agressons à língua. Mas as Forças de ocupaçom espanholas reagirom de maneira absolutamente desproporcionada e violenta contra os e as defensoras do galego.

A causa destes enfrontamentos, doze pessoas serám processadas os vindeiros dias 20, 22 e 23 de maio e enfrontam penas de 46 anos de prisom e 34.000 € de sançons económicas.

Desde o Colectivo Terra queremos expresar a nossa solidariedade com as doze pessoas prolíngua encausadas. Só se faria justiça com a sua livre absoluçom.

Defender o galego nom é delito!

9 DE MAIO PRESENTAZÓN DO LIBRO " A BATALLA DAS PENSIÓNS..."

O próximo venres 9 de maio ás 20:00h, teremos no local a presentazón do libro “A BATALLA POLAS PENSIÓNS (1981-2013) De como a clase capitalista quere privatizar os bens comúns e de como as clases traballadoras se opoñen. de Xabier Pérez Dávila

Os medios de persuasión de masas difunden sen descanso a verdade incontestável. As sociedades europeas non se poden permitir o mantemento de onerosos sistemas de protección social.
No entanto, existe unha narración alternativa. Os sistemas de protección social, como o recoñecemento dos dereitos das mulleres, ou como a acumulación do coñecemento científico, son conquistas da civilización humana, irrenunciábeis, que deben ser estendidas a toda humanidade. A capacidade produtiva das sociedades humanas é incomparabelmente superior á de ningunha outra época. Porén, é o capitalismo financeirizado o que ameaza a viabilidade dos sistemas de pensións públicos. É o capitalismo financeirizado o que aumenta de xeito exponencial a inestabilidade dos sistema económico someténdoo a recorrentes crises financeiras. Estabelecer o benestar común é posíbel, mais incompatíbel coa financeirización. E, tendencialmente, tamén incompatível co capitalismo”.
Neste enlace podes ler unha entrevista ao autor  http://www.farodevigo.es/portada-pontevedra/2014/02/26/nadie-cabales-cree-le-garantizar/974721.HTML
Agardamos a túa presenza.
Saúde.

1º DE MAIO

O Terra com a classe obreira galega e luitadora

  O dia 1 de maio é o dia mundial da classe trabalhadora, nom é o dia do Trabalho (como gostaria a patronal). Este dia nasce como comemoraçom dumha luita num contexto de continuo aumento da expl...oraçom: jornadas cada vez mais longas, condiçons de trabalho pésimas face a um empresariado cada vez mais enriquecido a custa do trabalho incansável das obreiras. Estamos a falar de 1886, mas também podiamos estar a falar de 2014, infelizmente, os paralelismos entre as condiçons do proletariado hoje e as condiçons do S.XIX som enormes. No entanto, foi nesse endurecimento das condiçons vitais das classes populares, onde rebrotarom as organizaçons de classe, onde as mobilizaçons forom mais contundentes, onde a luita polos direitos nom recuou e conseguirom os seus objectivos (a jornada de 8 horas).
  Hoje a patronal em cumplicidade com os governos títeres, consegue sabotar os nossos direitos com todo tipo de fórmulas e mecanismos: contratos temporais e precários, segurança social a conta da trabalhadora, dessemprego masivo, criminalizaçom, repressom, campanhas publicitárias e propaganda disfarçada de expertos. Estes mecanismos conseguem asustar-nos, crermos que somos carne excedentária, que estamos no exército de reserva esperando a milagre de sermos exploradas, que nom temos futuro, que nom valemos nada, que um trabalho escravo é um presente e por isso nom podemos falar, reclamar, dignificar e protestar. Em definitivo, a mensagem é NOM temos direitos. A maquinária está bem engraxada e, todos os dias, fabrica vítimas, despoxos, corpos á mercé da caridade. Contodo, nom conseguem calar-nos, nom nos resignamos. Trabalhadoras, proletarias, lumpen, precárias, escravas sexuais, paradas, excluídas, vadías, tolas e negras sabemos quem somos, a onde pertencenmos, qual é a nossa identidade, qual é a nossa luita e qual é a nossa classe. Cada pessoa que sai hoje à rua é um passo mais no caminho para a conquista dos nossos direitos. Desde o Terra queremos apoiar às mobilizaçons de hoje, à classe obreira galega e, mui especialmente, à da comarca de Ferrolterra, que querem afundir, mas que dia a dia demostra a sua cara mais digna e sobrevivirá a tanto embiste da patronal.
   Os nossos direitos som irrenunciáveis! A vossa propaganda nom pode connosco! Avante com a luita da classe obreira!

DEBATE LOMCE

 

 

O próximo venres 2 de maio faremos un debate arredor da Lomce. Participarán represaentantes de diferentes organizacións estudantís. Será ás 18h no Local do Colectivo Terra e está organizado polas súas mocidades.

PALESTRA MEGAMINARÍA

 

As políticas coloniais non son nada novas neste País pois levamos séculos padecendoas. Dende as conserveiras, producción eléctrica, xestión forestal... ate problemáticas máis actuais  como o desmantelamento do sector financiero, mínguan a nosa capacidade como Pobo para nos desenvolver axeitadamente. Unha das agresións que históricamente sofre a nosa terra e o da minaría.  As Pontes, As Encrobas ou as pizarreiras do Courel son exemplos dabondo de como a cobiza duns/dunhas pouc@s estragan coas economías locais de moitas comarcas.

  Mas tampouco queremos ser derrotistas, e se é certo que algunas batallas se perderon, outras moitas se gañaron. Hoxe temos unha comezada, e estamos seguros que como hai corenta anos en Xove VENCEREMOS!!!

Esta guerra é contra a megaminaría, e para nos falar dela virán este sábado dous veciños de Bergantiños. Paco García e Carlos Reino son menbros da Plataforma pola defensa de Corcoesto e Bergantiños  e estarán este sábado 26 ás 18h no Centro de maiores de Pontedeume para nos falar desta ameza.

"HÁMSTER" POR HISTERIA TEATRO

O próximo venres  25 de Abril  ás 20:30 estarán o noso local Histeria Teatro coa representación de Hámster, obra do dramaturgo moañés Santiago Cortegoso.

Nesta obra, unha parella de hámster convive na súa gaiola. El é feliz coa súa situación tal e como está, e a súa maior ansia é gustarlle ao público que o vén ver. Pero ela non se conforma co que xa coñece, quere explorar máis alá, e por iso ten a maleta preparada. As vicisitudes e contradicións do hámster macho e a hámster femia son o fío argumental deste “pretexto para un espectáculo de teatro físico sen cancións”, co que Santiago Cortegoso gañou nos encontros Magalia de teatro hai xa varios anos.

A entrada é gratuita, e cada espectador aportará ao final da obra o que entenda que é o xusto polo espectáculo que remata de desfrutar.

Lembrade que o local do Colectivo Terra está situado en Boa Vista 8 Baixo. Pontedeume. GZ

ALÉN DO SILENCIO

O próximo sábado 29 de Marzo a partir das 20h, teremos no local a presentación do traballo colectivo  "Alén do silencio". Participarán @s súas/seus autoras/es RAMIRO VIDAL ALVARINHO, XOSE IGLESIAS, MARIA JOSE FERNANDEZ, MARIA XESTAL , XURXO GAGO e XOSE M.ABELEDO CASTRO.

FEMINISMO E CLASSE

 “Em 1929 Virginia Wolf andava a procura dum quarto de seu, um espaço próprio, construindo um símbolo da liberdade de pensamento para as mulheres. E ainda continuamos aqui, na procura dum “quarto só para nós”, ao que queremos convidar-te a participar.

   O vindouro sábado abrimos para vós, companheiras, o nosso espaço e a nossa agenda de atividades. Estará connosco Margarida Corral Sánchez, licenciada em sociologia, técnica de igualdade e Secretária Confederal de mulheres da CIG, com a qual teremos a oportunidade de conversar e debater sobre feminismo e classe.

  Convidamos-vos a compartilhar, propor, dissentir, sorrir, percorrer e construir juntas o nosso quarto e o nosso caminho.

  Participa! Este sábado às 18:00 no Terra”.

8DE MARÇO

Rosalia, a mulher trabalhadora

O dia 24 de fevereiro foi o Dia de Rosalia. A AELG promove “a fenda dos muros” com os versos de Rosalia para mantê-la viva e livre.

Gostamos dessa ideia, por isso estamos hoje aqui, para ceivarmos este fermosísimo verso (imagem), que esperemos, esteja neste lugar por muito tempo. Escolhemos este Dia, o Dia da Mulher Trabalhadora, para reviver a Rosalia mais combativa, a Rosalia que se resiste a ser a chorona ou a santinha, a Rosalia que nom é umha cara numha camisola, a Rosalia que nom é um fosil; senom a Rosalia rebelde, inconformista, feminista e luitadora, umha Rosalia de carne e osso, umha Rosalia que pensa e que sente. Umha mulher trabalhadora que querem soterrar sob muitas homenagens vazias de conteúdo.

Somos muitas as que recolhemos o seu testemunho e estamos em pé, em luita polos nossos direitos, nom só hoje porque para nós todos os dias som 8 de março. Temos de estar atentas, vigilantes e em alerta porque o patriarcado nom descansa, se se sente ameaçado, muta e atopa a maneira de se fortalecer estender os seus tentáculos.

As mulheres levamos muitos séculos de submetimento, mas também muitos séculos de resistência. Este ano o ataque aos nossos direitos é maiúsculo. O PP tira a lei mais involucionista dos últimos tempos (que já é dizer!) para nos relegar ao papel que o machismo mais rançoso nos tem reservado: ao papel da vítima passiva, ao papel da mae por obriga, ao papel da eterna nena, ao papel do trabalho reprodutivo nom revaloriçado, ao papel de sostém do homem, a um papel, em definitivo, no qual nengumha mulher colhemos sem asfixiarmo-nos.

Mas o que o relato patriarcal esquece é que estamos afeitas a luitar e luitaremos até o final. Se aprobarem esta mortífera Lei, nom nos rendiremos e teceremos estratêgias colectivas de resistência, construiremos pontes no limbo do legal e nunca permitiremos ficar sem o direito tam básico como é o de decidirmos sobre o nosso corpo. Treme Governo, somos umha multidom de mulheres empoderadas que nom vamos dar nem um passo atrás! Manhá temos a nossa primeira cita, estaremos em Compostela para berrar:

Nós parimos, nós decidimos!

Enchamos a Quintana em Defesa dos nossos direitos!

ROSALÍA PEQUENIÑA

 Gustaríanos que participárades na actividade que temos programada para celebrar o Día de Rosalía. Trátase dun concerto de Uxía Senlle no que presentará o libro-cd "Rosalía pequeniña".O concerto vai dirixido tanto a pequen@s como a maiores, polo que pregamos que fagades a maior difusión posible. O prezo das entradas será de 3€ pequen@s (a partir dos 2 anos) e 5€ adult@s.

  Debido a que o señor alcalde non tivo a ben cedernos a Casa da Cultura, vémonos na obriga de realizar a actividade no auditorio do Centro de maiores de NovaGaliza Banco R/Ferreiros 20.

  Esta actividade, facémola en  colaboración coa Escola de ensino galego Semente Trasancos.

  Un saúdo e lembrade, domingo 23 de febreiro ás 18:30h, no auditorio do Centro de maiores de NCG banco (R/Ferreiros 20, Pontedeume)

OS DA RÍA

O sábado 22 de febreiro teremos no noso local a actuación do que podemos considerar o mellor grupo galego do século XXI. Na súa versión máis íntima farán un percorrido polo repertorio que os fixo famosos en todo o mundo e parte do extranxeiro.
 Se queredes, podedes mercar as entradas no Bar Fubolín.

REPRESENTACIÓN MARX NO SOHO

Comezamos o ano con teatro!!!
O vindeiro 11 de xaneiro, estará Pepe Sendón  representando a obra de Howard Zinn Marx no Soho. Un texto documental moi escalrecedor e necesario en momentos como o que estamos a vivir.
Será ás 20:30 e o prezo da entrada son 5€.

A obra

Howard Zinn escribiu ‘Marx in Soho’ en 1999 coa idea de perfilar a persoa antes que o mito. A peza é un monólogo (ás veces máis ben un soliloquio) que se centra na estadía de Marx no Soho londinense, onde chega escapado coa súa familia despois de ser expulsado de media Europa.