quarta-feira, 28 de dezembro de 2011

CINEMA DE NADAL II


HARRY POTTER E A PEDRA   FILOSOFAL

Venres 30 de decembro ás   19:00h no local do Colectivo   en Boa Vista nº8 
NNN

sábado, 24 de dezembro de 2011

GALERÍA DE IMAXES DA PRESENTACIÓN DO LIBRO: "TEORÍA DE INVERNO. OS PRESENTES DO APALPADOR"

Publicamos unha serie de fotografías da presentación do libro “Teoría de inverno. Os presentes do apalpador” que fixeron o venres 16 os compañeiros da Gentalha do Pichel. Queremos agradecerlles que pasaran polo noso local a descobrinos a figura do Apalpador, da que só se conservan testemuñas na Galiza oriental.
Confiamos que estas faíscas prendan no noso imaxinario colectivo e nos anos vindeiros esta tradición, case extinguida, se espalle e asente en todo o país!

quinta-feira, 22 de dezembro de 2011

CINEMA DE NADAL I


SOÑO DUNHA NOITE DE SAN XOÁN

Venres 23 de decembro ás 19:00h no local do Colectivo en Boa Vista nº8




terça-feira, 13 de dezembro de 2011

ESTE NATAL, VEM O APALPADOR.

Desde o Colectivo Terra temos como um dos nossos principais objetivos a recuperaçom das nossas tradiçons como povo. Por isso este ano com o galho do Natal decidimos achegar a nossa pedrinha à recuperaçom da figura do Apalpador.
E para isto contamos com a ajuda d@s companheir@s da Gentalha do Pichel. Com quem nos pugemos em contacto para que nos contem a história dumha das figuras galegas, sem dúvida, mais esquecidas, aproveitando a ediçom dum novo livro sobre esta personagem por parte desta associaçom cultural, intitulado “Teoria de inverno, os presentes do apalpador”.
A figura deste homem conhecido como Apalpador e noutras zonas com o nome de Pandigueiro é a figura dum gigante carvoeiro que mora nas montanhas galegas e que polo natal baixa na noite para palpar a barriga dos nenos e das nenas, para ver se comérom bem durante o ano, e deixar-lhes algum presente ou umhas poucas castanhas.
Desta tradiçom existem numerosas testemunhas, das quais ponhemos a continuaçom umha reportagem feita pola TVG: http://agalegainfo.crtvg.es/historico/?emi=5448&corte=2008-12-25&hora=15:05:45&canle=tvg1
Também existe umha cantiga da qual também ponhemos um enlace, interpretada polo cantor Xavier Dias: http://www.youtube.com/watch?v=EJqAg4xFkr4&feature=player_embedded

Sem mais, desde o Colectivo Terra convidamos-vos e animamos-vos a assistir esta Sexta-feira (Venres), 16 de Dezembro às 19:00, ao nosso local em Boa Vista nº8, à presentaçom deste livro, para saber um pouco mais sobre esta figura, a qual os galegos e as galegas devemos recuperar.

segunda-feira, 10 de outubro de 2011

12 DE OUTUBRO? NADA QUE FESTEJAR!

Este 12 Outubro assistiremos novamente a um bombardeio mediático no qual presenciaremos “ao vivo” a assistência de todas e todos os “grandes políticos” do Estado, junto com a família real ao completo, ao passeio militar.
Este dia, antes conhecido como “dia de la raza”, e agora como dia “de la hispanidad” ou “dia nacional de España”, representa e festeja a chegada de Cristoval Colom à América. Para o poder político, militar e económico, significa um dia de orgulho espanhol, um dia de orgulho por ter colonizado um continente inteiro, ter roubado todas as suas riquezas, ter exterminado culturas inteiras para impor a sua (língua, catolicismo, costumes... etc), ter violado, escravizado e assassinado as e os povoadores das terras sem nengum remordimento. Um dos maiores genocídios na história da humanidade, nom pode ser motivo de louvança.
O que ontem foi umha colonizaçoma ferro e lume por parte do poder político e militar, hoje continua como exploraçom por parte do poder económico (BBVA, BSCH, Telefónica, Repsol...). Este poder segue a roubar-lhes os recursos, limitando a possibilidades de desenvolvimento.
Por isso, como galeg@s nom podemos mais que saudar a legítima resistência por parte dos novos governos que estendem a revoluçom Bolivariana por toda América Latina. O que para alguns é um dia de sobérbia, para @s galeg@s deve ser um dia de resistência. Ante a visom unificadora e jacobina que alguns tenhem do estado espanhol, nós alçamos a bandeira da liberdade. Liberdade para falar e aprender no nosso idioma, liberdade para sermos don@s do nosso futuro sem imposiçons externas.

sábado, 1 de outubro de 2011

FOTOS DA PRESENTACIÓN DO LIBRO "COMO DEFENDERES OS TEUS DEREITOS LINGÜÍSTICOS"


Pois aquí vos deixamos as fotos da presentación do libro de Carlos Callón que vimos de facer este pasado venres.
Queremos agradecerlle a toda a xente que asistíu ao acto por facelo ameno e participativo, a Miguel que nos enmarcou perfectamente ao autor e á obra na situación sociolingüística actual do noso país e por suposto a Carlos por proporcionarnos esta ferramenta tan útil e necesaria nos tempos que vivimos.
É unha estupenda guía práctica de como defendermos os nosos dereitos lingüísticos, da que pensamos facer moito e bo uso. Animámosvos a todas e a todos a facer o mesmo!

terça-feira, 27 de setembro de 2011

COMO DEFENDERES OS TEUS DEREITOS LINGÜÍSTICOS

 
O vindeiro venres 30 de setembro ás 19:30 farase na biblioteca municipal a presentación do libro de Carlos Callón: "Como defender os teus dereitos lingüísticos". No acto participarán Miguel Rodríguez Carnota, profesor do IES Breamo e o propio autor. O acto será organizado polo Colectivo Terra en colaboración coa A Mesa pola Normalización Lingüística.

domingo, 18 de setembro de 2011

quarta-feira, 7 de setembro de 2011

FESTAS DAS PERAS 2011

DENDE O COLECTIVO TERRA DENUNCIAMOS QUE NON SE TEÑAN EN CONTA AOS GRUPOS MUSICAIS EUMESES NAS FESTAS DAS PERAS 2011.

Desde o Colectivo Terra de Pontedeume, queremos denunciar a actitude de menosprezo por parte do Goberno Municipal cara o tecido social e cultural eumés en xeral, pero nomeadamente no tocante aos grupos musicais do noso concello, ao non ter cabida na programación dos festexos das Peras 2011 ningunha das numerosas e variabeis en canto a estilo, formacións musicais de que dispoñemos, algunhas delas de contrastado prestixio e sona. Isto pese ao alto custe da partida que se gastará en orquestras, nun ano que debería ser de contención do gasto, tendo en conta o informe do ano 2010 no que o endebedamento das arcas municipais supera as peores expectativas.
Mais parece ser que a política cultural desta equipa de goberno, non debe ter como obxectivo a promoción da cultura producida polos/as nosos/as artistas, nin da contención do gasto, contratando en casa sen por iso baixar en calidade, máis ben debe ser, que se así o fixeran os seus xefes

domingo, 24 de julho de 2011

EXPOSICIÓN FOTOGRÁFICA: O BOSQUE OBSÉRVATE

Dende o domingo 24 de Xullo na subida ó Mosteiro de Caaveiro.

Esta exposición nace coa idea de chamar a atención do visitante ás Fragas do Eume para que entenda a súa vulnerabilidade ante a acción humana.

Quere transmitir a idea de que a Fraga, casi como un ente consciente, está pendente, vixiante, tomando nota de cada acción que emprendemos nela.

E non sería raro, tendo en conta as múltiples agresións que está a sofrer pola nosa parte.

Se a Fraga, como ecosistema complexo que é, fora un ser consciente estaría totalmente alerta e preparada para se defender.

Sentiríase invadida polos eucaliptos, que a van cercando pouco a pouco, até tal punto que nos últimos 50 anos o espazo ocupado por estas árbores triplicouse no Parque Natural, pasando de ocupar o 6,9 % da súa superficie ao 20% actual.


Expoliada pola extracción de auga do Eume por parte de Endesa para encher con ela o inmenso oco (de 865 ha) que se creou coa extracción de lignito para a central térmica de As Pontes.

Preocupada por si unha vez enchido ese oco, o illamento mediante arxila dos seus fondos (ricos en pirita, un material que acidifica o auga dificultando a vida nela) non é suficiente para evitar a contaminación das augas do Eume en épocas de intensas choivas, xa que se rebosa o lago artificial, o caudal sobrante canalizarase a este precioso río.

Expectante ante a posible construción, por parte de Picobello Andalucita, SL, dunha mina de andalucita a 50 metros do Parque Natural, que de se construír afectaría a unha zona de grande riqueza natural que foi proposta como ampliación da Rede Natura, arrasará unha fraga autóctona de 25 hectáreas que se levanta sobre o xacemento e destruiría ou afectaría gravemente a varios cauces, entre os que está o Belelle, un dos ríos máis limpos de Galiza e que abastece de agua a varias poboacións humanas.


Vixiante para que o Eume non volva sofrer ningunha agresión semellante á ocorrida en 2008, durante as obras da autovía Ferrol-Vilalba, na que apareceron mortas centos de troitas. Un desastre ecolóxico provocado pola contaminación das súas augas con materiais ácidos do chan, que chegaron arrastrados pola auga de choiva, procedentes dos desmontes da mencionada obra.

Máis que cansa, ante os continuos verquidos de lignito, a desecación de parte do seu cauce e a chuvia ácida que leva anos sofrendo pola actuación de Endesa, empresa propietaria da cercana central térmica das Pontes, unha das máis contaminantes de Europa.

Temerosa pola pretensión de Endesa de empregar o Eume como vertedoiro dos lodos contaminados retidos no embalse de “A Capela”…

Acosada, en definitiva, pola acción humana ilóxica, irracional e hipócrita, e necesitada de moitos outros ollos, os nosos, os da xente que nos preocupamos por ela, para que tamén esteamos ATENTOS, VIXIANTES, INFORMADOS e loitemos xuntos pola súa verdadeira conservación.


sexta-feira, 22 de julho de 2011

1ª FESTA DA PATRIA!

O venres 22 de Xullo celebramos a 1ª Festa da Patria na compaña dos grupos Ataque Escampe e Arenga.

Festa e lume!

domingo, 26 de junho de 2011

OBRADOIRO DE INICIACIÓN Á FOTOGRAFÍA

Deixámosvos aquí o cartaz do primeiro obradoiro que organizamos alá polo mes de xuño e que esperamos sexa o primeiro dunha longa lista!

quarta-feira, 22 de junho de 2011

ROSALIA DE CASTRO ESTRANXEIRA NA SÚA PATRIA

O día 22 de xuño comezamos a nosa andaina coa presentación do libro de Francisco Rodríguez "Rosalía de Castro estranxeira na súa patria". Compraceunos dobremente comezar o noso percorrido da man de Rosalía de Castro:  - polo que representa como a poeta nacional, figura senlleira das nosas letras e imprescindible da literatura europea e universal de S XIX, a maioría das veces menosprezada ou ignorada, como demostra o feito de que veñamos de conmemorar o 125 aniversario da súa morte sen pena nin gloria por parte das institucións políticas e culturais do noso país.
- pola súa condición de muller, unha muller excepcional e de vangarda nos seus tempos, unha muller por descobrir alonxada da imaxe sesgada e estereotipada de submisión que se nos ten transmitido dela.